revistagalegadeteatro

PROGRAMACIÓN XXVI Edición Mostra Internacional de Teatro de Ribadavia

Descarga en pdf o programa

Venres 16

20:30 Inauguración de autoridades no salón de plenos do Concello de Ribadavia.

21:00 Pregón do XXVI edición da MIT a cargo do Sr. Presidente da Real Academia Galega, don Xosé Luís Méndez Ferrín.

21:30 Teatro Tascabile di Bergamo – Albatri – Italia – Espazo Ruadavia

23:00 Gardzienice – Iphigenia in Aulide – Polonia – Auditorio do Castelo

Sábado 17

12:00 Inauguración da exposición do aniversario da FEGATEA (Federación Galega de Teatro Afeccionado) – Espazo Amador: Club Artístico de Ribadavia.

20:00 Ónfalo Teatro – Na meta. Sálvese quen poida – Coprodución da MIT – Casa da Cultura ESTREA. Presentación do libro Na Meta, de Thomas Bernhard na colección Abrente.

23:00 Telón Corto – Sólas no más – Madrid-Argentina – Auditorio do Castelo

01:00 PIA – Humanum Fatum – Portugal – Espazo Ruadavia: Praza Maior.

Domingo 18

10:00 a 14:00Taller de teatro obxectual coa compañía Circolando – Espazo Ruadavia: Alameda

12:00 Encontro con Pedro Vaz – Espazo Amador: Club Artístico de Ribadavia

20:00 Ónfalo Teatro – Na meta. Sálvese quen poida – Coprodución da MIT – Casa da Cultura.

21:00 Histrión – Los corderos – Andalucía-Argentina – Igrexa da Madalena

23:00 Le Boustrophédon – Court Miracles – Francia –Auditorio do Castelo.

01:00 Circolando – Paisagens em Trânsito – Portugal – Espazo Ruadavia: Alameda

Luns 19

20:00 Ónfalo Teatro – Na meta. Sálvese quen poida – Coprodución da MIT – Casa da Cultura.

21:00 Histrión – Los corderos – Andalucía-Argentina – Igrexa da Magdalena.

23:00 Mofa & Befa – Shakespeare para ignorantes – Galicia – Auditorio do Castelo.

Martes 20

20:00 Badulake Teatro – El desconcierto de los gatos – México – SputMIT. Satélites da MIT en Francelos.

23:00 Pippo Delbono – Racconti di giugno – Italia – Auditorio do Castelo.

Mércores 21

20:00 Badulake Teatro – El desconcierto de los gatos – México – SputMIT. Satélites da MIT en San Cristovo.

23:00 Mefisto Teatro – Fuenteovejuna – Cuba – Auditorio do Castelo.

Xoves 22

20:00 Badulake Teatro – El desconcierto de los gatos – México – SputMIT. Satélites da MIT en Santo André.

21:30 Teatro Comunidad – Tamborecos – Colombia – Ruadavia: Praza Maior

23:00 Gardi Hutter – Jeanne D’ArPpo – Suíza – Auditorio do Castelo.

Venres 23

12:30 Presentación do Proxecto Teatral Buxiganga da Deputación de Lugo – Espazo Amador: Club Artístico de Ribadavia .

20:00 Compañía Atanasia – La creación del mundo – México – SputMIT. Satélites da MIT en San Paio.

21:45 Compañía Atanasia – La creación del mundo – México – Espazo Ruadavia: Praza Maior.

23:00 Aleteo de mariposa – La felicidad según Mabel Riviere – Argentina – Auditorio do Castelo.

Sábado 24

12:00 Homenaxe ao grupo DITEA – Espazo Amador: Club Artístico de Ribadavia.

20:00 Yllana – ZOO – Madrid – Casa da Cultura.

21:30 Teatro Gestual de Chile – Suceso Taladro – Chile – Espazo Ruadavia: Rúa Progreso

23:00 Atalaya – Ricardo III – Andalucía – Auditorio do Castelo.

01:00 Teatro Gestual de Chile – Fisura2 – Chile – Espazo Ruadavia: Praza Maior.

 SPUTMIT – satélites da MIT no rural

Diego Campos Omil (Marín, 1988) gaña o II Certame de Banda Deseñada sobre Teatro coa adaptación da peza Hámster, de Santiago Cortegoso. O premio, convocado pola Asociación Cultural Entre Bambalinas –editora da Revista Galega de Teatro- está dotado con 1.000 euros e conleva a edición da obra gañadora.
O traballo de Diego Campos resultou vencedor por decisión unánime do xurado entre as tres pezas presentadas a concurso. O xurado destacou a visceralidade e a expresividade do debuxo, así como o dominio técnico do mesmo, o gran dinamismo gráfico do traballo e a aplicación de diferentes estilos narrativos correspondentes ás diferentes partes do texto orixinal. O xurado estivo composto polos debuxantes Alberto Guitián e José Antonio Calvo Téllez “Mónico” –colaboradores do Salón do Cómic de Cangas-, Mercedes Lorenzo – coordinadora do Salón do Cómic de Cangas- e o autor teatral Santiago Cortegoso.
Con este premio, a Asociación Cultural Entre Bambalinas continúa un proxecto que ten como obxectivo
abrir o diálogo e a interrelación entre as artes, difundir o teatro máis aló da escena e materializar unha colección de pezas de banda deseñada sobre teatro que iniciou o seu camiño o ano pasado coa adaptación de Doentes, de Roberto Vidal Bolaño a cargo de Brais Rodríguez Verde –gañador do I Certame de Banda Deseñada sobre Teatro.
A Asociación Cultural Entre Bambalinas e a Revista Galega de Teatro agradecen a participación de todos os debuxantes e destacan a calidade do seus traballos. De igual xeito, a organización quere agradecer a colaboración inestimable da coordinadora (Mercedes Lorenzo) e dos colaboradores habituais (Guitián e “Mónico”) do Salón do Cómic de Cangas que este ano ve interrumpida a súa actividade.

Co cinto ben apertado bota a andar esta noite no Auditorio Municipal de Cangas a 27 edición da Mostra Internacional de Teatro Cómico e Festivo de Cangas. A crise económica fixo que a organización vise reducida a súa partida orzamentaria que, coa desaparición da subvención de 20.000 euros da Consellaría de Cultura obrigou prescindir de oito das actuacións previstas no programa inicial.

As funcións que non se poderán ver por mor do recorte feito pola Consellaría de Cultura nesta edición da Mostra son El coloquio de los perros, de Teatro de la Abadía, unha das máis agardadas polo público. Collage, de BotProjet; Albatros, de Tascabile de Bergano; Vermut, de The Dico´s; Lume, de Troula Animación; Os Mecos, de Zancalino.

Malia este contratempo a organización volve ofrecer dez días de actividades con funcións teatrais en espazos pechados e na rúa, obradoiros, presentacións de editoriais e encontros como o de Mostras e Festivais de Teatro de Galicia ou as Xornadas da Muller, no que se presentará o libro Feministas galegas clave dunha revolución en marcha, de Mónica Bar.

Hoxe están previstas as representacións Chirigóticas, do grupo homónimo, ás 23h00, no Auditorio de Cangas e  Life is a paripé, da compañía Obras Públicas, na sala Salasón. A actriz Mónica Caamaño será a pregoeira da Mostra.

As representacións teatrais continuarán até o sábado, 10 de xullo, coa entrega de premios da mostra. Nesta edición o Premio Xiria ao Labor Teatral será para o director de teatro Xoán Cejudo.

DESCARGA  TODO O PROGRAMA DENDE AQUI!

A Asociación Cultural Entre Bambalinas, editora da Revista Galega de Teatro, vai organizar para o dia 3 e 4 de xullo en Cangas do Morrazo, esta xuntanza de cabeceiras adicadas ao mundo das artes escénicas. Na primeira edición, este certame contou coa participación de once revistas chegadas de Galicia (RGT, Casahamlet, Escaramuza), de España (Primer Acto, ADE, Assaig, El Pateo, La Ratonera e Artez) e dende Portugal (Sinais de Cena e Sete Palcos). Coa vontade de manter este acontecemento no tempo, na clausura do I Encontro Ibérico de Revistas de Teatro os asistentes apostaron por darlle un carácter bianual á cita. O Festival de Expresión Ibérica do Porto vén de confirmar a súa decisión, de acoller este evento alternativamente xunto con Cangas.

O programa deste ano será:

sábado 3 xullo
10:00. “Edición dixital versus edición en papel”
12:30. “O lector de teatro especializado”

domingo 4 de xullo
10:00. “Apoio a dramaturxia”
12:30. Conclusións

A Escola Superior de Arte Dramática de Galicia é un centro superior de ensinanzas artísticas de titularidade pública, dependente da Consellería de Educación e Ordenación Universitaria. Como tal ofrece as titulacións propias dos estudos superiores de arte dramática nas especialidades de Interpretación, Dirección de escena, Dramaturxia e Escenografía.

Se queres estudar na Esad de Galicia ou coñecer todas as actividades que ofrecen…

Entra en: